Курманалиев Каныбек
Мелисович

Курманалиев Каныбек Мелисович 1986-жылы 3-февралда Нарында туулган.
1993-жылы Ысык-Көл областынын Балыкчы шаарындагы В.И.Ленин атындагы мектеп-гимназиянын биринчи классына кирген.
1999-2002-жылдары Бишкектеги №46 орто мектепте окуган. 
2003-2006-жылдары Бишкек финансы-экономикалык техникумунда «Финансист» кесиби боюнча билим алган.
2006-2008-жылдары «Кант курулуш» фирмасында камсыздоочу болуп иштеген.
2008-жылы бир мандаттуу шайлоо округунан Кант шаардык кеңешинин 25 -чакырылышына депутат болуп 2012-жылга чейинки мөөнөткө шайланган.
Кант шаардык кеңешинин төрагасы, ошондой эле «Жаш-Булак» коомдук бирикмесинин төрагасы болгон.
2011-2015-жылдары КР Өкмөтүнө караштуу Мамлекеттик юридикалык академиясында жогорку билим алган. Азербайжан Республикасынын Баку шаарында өткөн (TURPA) эл аралык жаштар форумунун жана «Финансылык сабаттуулук», «Медиатор» семинарларынын катышуучусу.
2012-2016-жылдары Кант шаардык кеңешинин 16-чакырылышына өзү лидери болуп эсептелген «Замандаш» партиясынан депутат болуп шайланган.
2016-жылы КР ички иштер органдарына кызматка кирип, Бишкек шаарынын Октябрь райондук ИИБде опер ыйгарым укуктуу кызматкер болуп иштеген.
2017-2019-жылдары Бишкек шаарынын Октябрь райондук ИИБ СКМде карактап кол салуулар менен күрөшүү бөлүмүндө улук опер ыйгарым укуктуу кызматкер кызматында иштеген.
2019-2020-жылдары Бишкек шаардык ИИБ СКМде уюшкан кылмыштуулукка каршы улук ыйгарым укуктуу кызматкер катары иш алып барган.
2020-жылдан азыркы учурга чейин «Убакыт - Время» коомдук бирикмесинин төрагасы болуп иштеп келатат.
Ош шаарында 2010-жылдагы июнь окуяларында «Жаш-Булак» фондунун атынан жабыркагандарга гуманитардык жардам уюштурган. Ошондой эле 2010-жылы Кантта Элдик кошуунд негиздеп, 2020-жылы пандемия мезгилинде «Убакыт - Время» КБнын атынан борбор шаардагы тургундарга гуманитардык жардам көрсөтүүнү уюштурган.
Чүй областында жана Ысык-Ата районунда өткөн ар кандай спорттук-маданий жана көңүл ачуучу иш чаралардын активдүү уюштуруучусу жана катышуучусу катары 2009-жылы КР Президентинин Ардак грамотасы менен жана Чүй областы жана Ысык -Ата районунда жашаган жаштардын турмушуна активдүү катышканы үчүн да Ардак грамота менен сыйланган.
2018-жылдагы оор кылмыштардын бетин ачууда эң мыкты топто иштеген.
2019-жылы оор кылмыштардын бетин ачканы үчүн КР ИИМдин «Кылмышкерлерди издөөдөгү өзгөчөлөнгөн кызматы үчүн» төш белгиси менен сыйланган.
Үй-бүлөлүү, эки баланын атасы.

Иманбек кызы Бактыгүл 1986-жылдын 17-апрелинде Бишкек шаарында туулган. Учурда Бишкек шаарында жашайт.
2010-жылы Ж. Баласагын атындагы КУУнун чет тилдер факультетин (француз) Маданият аралык коммуникациялар боюнча котормочу-лингвист кесиби боюнча аяктаган.
2005-жылдан 2007-жылга чейин Манас ТОМЕR университетинде окуган.
2007-жылдан 2009-жылга чейин Бельгиянын Гент шаарындагы университетте окуган.
Француз тилин тереңдетилген ыкма боюнча үйрөнгөн.
2006-2008-жылдары “Электик” ЖЧКда француз тилинен сабак берген. 2007-2008 -жылдары “Aliya Study and Travel” туристтик фирмасында француз тилинен котормочу болуп иштеген. 2008 -2009-жылдары Бельгияда стажировкадан өтүп келип, 2011-жылга чейин кайрадан “Электик” ЖЧКда француз тилинен сабак берген. 2012-жылдан 2017-жылга чейин ‘”Mira Study” ЖЧКны ачып иштеткен. 2017-2019-жылдары ЭЛАРАД туристтик фирмасында гид-котормочу болуп иштеген. 2019-жылы «Миракл Лайф» окуу борборун негиздеген. “Миракл Лайф” мотивациялоочу долбоорунун автору.